ام مريم
المساهمات : 2
تاريخ التسجيل : 10/11/2007
 | موضوع: وصفة هايلة للشعر المجهد المدمر  الأحد نوفمبر 11, 2007 2:35 pm | |
| [ السلام عليكم ورحمة الله وبركاته
ازيكم اخواتي الحلوات والف مبروك علي المنتدي
انا جايلكم اليوم باول مشاركه ليا لاني عارف ايه اللي بيعانوه البنات دايما وهو تساقط الشعر وعدم نموه انا بقي وصفتي هضيف ليها انها كمان هتفرد الشعر المجعد والله وصفه هايله وانا مجرباها لكن ركزوا معايا والجميل اللي فيها انها كلها بالحاجات الطبيعيه
مش هطول عليكم بقي نبتدي
بصوا معايا علشان الكلام اللي هقوله مش هكرره تاني هنجيب حنه نوع نضيف ونجيب مجموعة زيوت زي ما تحبي ( خروع - زيتون - سمسم - جوز هند - حشيش - دهن الحيه - لوز - ذره ) (زيت ذرة بتاع الاكل ) ونجيب زجاجة سفن او اسبريت صغيره ونجيب قشر موز مجفف مطحون ونجيب ملعقة نسكافيه وملعقة بن ونجيب علبة زبادي و2 ملعقة مايونيز وصفار بيضه ونعجن الخلطه كلها علي بعضها ونتركها اربع ساعات تخمر في مكان دافي بعد ما نغطيها طبعا وبعدين نحط عصير اتنين لمونه ونفردها علي الشعر بالتساوي زي الصبغه من الجذور حتي الاطراف خصله خصله ونغطي شعرنا ببونيه بلاستيك ونتركها 6 ساعات عند شطف الشعر بعد مرور الست ساعات نشطف الشعر بالماء فقط دون استخدام شامبو ولكن نستخدم بلسم فقط ولو فضل بقايا للحنه نسبها بعد ما الشعر ينشف تقع لوحدها بالتمشيط ونعمل الوصفه دي مرة كل اسبوع لمدة شهر ونعمل حمام كريم مرة كل اسبوع في نفس الشهر
والشهر اللي بعده نعملها مرتين ونعمل في الاسبوع مرة حمام كريم ومرة حمام زيت وممكن نحط بعد حمام الزيت قبل الشطف صفار بيضه + علبة زبادي وذلك قبل الشطف بنص ساعه وفي خلال شهرين هتشوفي النتيجه
وابقوا ادعولي
ملحوظه مهمه
الوصفه دي لتنعيم الشعر وتساقط الشعر ولزيادة نمو الشعر وفيها كل الفوايد اللي ممكن تحتاجيها لشعرك مجمعاها في خلطه واحده
علشان نوفر منعملش كل شويه خلطه
واهم حاجه في الخلطه عدم غسلها بالشامبو بعدها علي طول
ولازم نغسل شعرنا مرتين بس علي الاكثر في الاسبوع
واللي شعرها مجهد تغسله مرة واحده وموضوع غسل الشعر ده بشكل عام ان اللي شعرها مجهد متغسلوش كتير[/center] | |
|
صمت الألم
المساهمات : 328
تاريخ التسجيل : 10/11/2007
| |
