بسم الله الرحمن الرحيم
اول شئ احب اشكررررر كل الي اتضامنوا معانا في حمله مقاطعه المنتجات الامريكيه وادعي من قلبي انو ينضمو لنا الباقين مع اني والله مستغربه هما بيستنو ايششش بالزات بعد ماصرح صاحب سلسه مطاعم ماكدونالدز (الي لحم اكتافو من خيرنا احنا المسلمين) انو يخصص ربح يوم السبت ليهوداسرائيل . فاحب اقلهم سااااارعوا وادفعوا فلوسكم عشان يزيد الربح لانو كل ريال بتصرفوه ثمنه رصاصه في قلب طفل فلسطيني او في قلب شيخ عاجز او مرأه لاحول لها ولا قوه فانتهزو الفرصه . ولايمكن حتحسوا باهميه دا الشئ لما تسمعو انو اليهود وصلوا خيبر.
عارفين انو كل هلله بتدفعوها تعتبر مناصره لليهود
{ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ }و
{ تَرَى كَثِيراً مِنْهُمْ يَتَوَلَّوْنَ الَّذِينَ كَفَرُوا لَبِئْسَ مَا قَدَّمَتْ لَهُمْ أَنْفُسُهُمْ أَنْ سَخِطَ اللَّهُ عَلَيْهِمْ وَفِي الْعَذَابِ هُمْ خَالِدُونَ . وَلَوْ كَانُوا يُؤْمِنُونَ بِاللَّهِ وَالنَّبِيِّ وَمَا أُنْزِلَ إِلَيْهِ مَا اتَّخَذُوهُمْ أَوْلِيَاءَ وَلَكِنَّ كَثِيراً مِنْهُمْ فَاسِقُونَ } . وعارفين انو دا التخاذل يعتبرولاء لليهود و نفاق ,
{ بَشِّرِ الْمُنَافِقِينَ بِأَنَّ لَهُمْ عَذَاباً أَلِيماً . الَّذِينَ يَتَّخِذُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ أَيَبْتَغُونَ عِنْدَهُمُ الْعِزَّةَ فَإِنَّ الْعِزَّةَ لِلَّهِ جَمِيعاً } .
و
{ فَتَرَى الَّذِينَ فِي قُلُوبِهِمْ مَرَضٌ يُسَارِعُونَ فِيهِمْ يَقُولُونَ نَخْشَى أَنْ تُصِيبَنَا دَائِرَةٌ فَعَسَى اللَّهُ أَنْ يَأْتِيَ بِالْفَتْحِ أَوْ أَمْرٍ مِنْ عِنْدِهِ فَيُصْبِحُوا عَلَى مَا أَسَرُّوا فِي أَنْفُسِهِمْ نَادِمِينَ } .
احنا مالنا عذر بعد اليوم ا بدا لانو زمان كانت امريكا تدعم اسرائيل نوعا ما في الخفاء , اما اليوم فكلنا شايفين انوامريكا مؤيده سرائل بكل وقاحه وعلانيه وبتقدلها الدعم لماادي والمعنوي . و بتأيدها على المجازر الي بترتكبها في رام الله وجنين وغيرها . حتى انها سمت التبرعات السعوديه الي كلها رايحه في شراء الادويه و الاغذيه دعم للارهاب . يعني انا ابغا اعرف في احد يبغا يعيش منافق وموالي للكفار واليهود , في واحد يرضى انو يقتل اخوانو المسلمين ويذلهم ويقوي اعداء الاسلام عليهم وهوا متعمد .
{ وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً } . ما اظن انو في أي واحد في قلبه ذره ايمان يرضى بكدا . عشان كدا انا اقول متى تنطبق علينا صفه الايمان بتضامنا ووقوفنا مع بعض . قال صلى الله عليه وسلم : المؤمن للمؤمن كالبنيان يشد بعضه بعضاً.و قال رسول الله صلى الله عليه وسلم: (مثل المؤمنين في توادهم وتراحمهم وتعاطفهم مثل الجسد الواحد . إذا اشتكى منه عضو تداعى له سائر الجسد بالسهر والحمى )
.. { وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْض } و
{ وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ }.
دحين نجي للاقتراح ...
قال النبي صلى الله عليه وسلم : "جاهدوا المشركين بأموالكم وأنفسكم و((ألسنـتكم ))"
احنا عارفين انو موشرط ان الواحد يكون في ميدان المعركه عشان يكون مجاهد . وبصرحه انا سمعت وحده متصله بقناه الجزيره قالت انها تعيش في المانيا . وكانت كل ماتجي لقطات عن المجازر الي بتحصل في فلسطين تسجلها وفي يوم جمعت كل الي تعرفهم من الالمان وعرضت عليهم الشريط . طبعا هما جداااااااااا اتأثرو لدرجه انهم قرروا ينسخو الشريط ويقومو بتوزيعو عشان يعرف الشعب الالماني حقيقه اسرائيل وامريكا . فانا اقول انو احنا نقوم بترجمه الايميلات الي بتوصلنا لانو احنا العرب عارفين ايش بيحصل في فلسطين اما الدول التانيه لا . ولا تقولو مانعرف يعني ابسطها لو كتبنا عليهم بس كلمه Palestine خلاص حتادي المطلوب . وانا كمان اوجه كلامي دا بالزات للي بيدخلوا تشات يعني اقلهم خلالالالالالالالاص شبعتوا كلام فاضي ( هاي,كيفيك , من فين , ايش تدرسي , ايش تنيلي ) وجا الوقت انكم تعملو شئ ويكون لكم هدف في الحياه فمثلا تقدرو تروحو على الياهو تشات وتختاروا أي رووم فيها اجانب وتحاولو تنشرو الصور دي او انكم تتناقشو معاهم وتوصلولهم الحقيقه .
عارفه انو انا صفررررررررر في البلاغه والتعبير بس يلا ايش اعمل مشو حالكم .
و اخيرا اختم كلامي بكلام خير الخلق
( من قتل في سبيل الله فهو شهيد ومن مات في سبيل الله فهو شهيد .. ) فهل تحبو انكم تكونو في سبيل الله ؟.
__________________
الخميس فبراير 14, 2008 1:52 pm