انا : صباح الخير مرايتي الحبوبة
المرآة : صباح النور
انا : انا اسفة بقالي يومين ما كلمتك ولا بصيت عليكي
المرآة : معليش ، انا عمري ما ازعل منك تعرفي ليه؟ على الاقل انتي تتكلمي معايا وتحاوريني
غيرك يا دوب يوقف أدامي ويظبط هندامه مش اكتر ، قليلين جدا اللي بيعبروني ويستشيروني
مع العلم ان دى لازم وضروري. ما علينا ازيك انتي النهارده؟
انا : الحمد لله . لكن مش عارفة بالضبط مالي . وكأني عاوزة حاجة ومش عارفاها ، كالعادة .
المرآة: انتي حتقوليلي ؟ ما انا عارفاكي كويس ، انتي نسيتي اني انا انتي وانتي انا ولا ايه ؟ احنا الاتنين
واحد.
انا : اخاف يقولوا عليا مجنونة لو عرفوا ني بتكلم معاكي دايما .
المرآة : لا لا . انتي العاقلة . اياكي تفكري كدى . ولو ان ليكي بعض لحظات الجنون اللي بتحلقي فيها لبعيد،
وبتنسي انتي مين وفين وايه ، وببقى عاوزة الحقك ومش بقدر . انتي بتحلقي في فضاءات واسعة
وبعيدة خالص . الا قوليلي انتي بتحسي ايه هناك ؟ ومع مين ؟
انا : يااااه انتي بقى عارفة عني كل حاجة . يبقى لازم تعرفي اني بحاجة للطيران والتحليق دى بعيد. بحب
الحرية والانطلاق ، بلاقي متعة في دى . انتي مستكترة عليا دى ؟ انا مش بضر حد ولا بأذي حد والله .
المرآة: انتي فكرتيني . وغلاوتي عندك لما تتكلمي مع حد . ما تحاولي تطلبي منه انه يبقى مرايتك اللي تشوفي
نفسك بيها . انا مرايتك الوحيدة اللي تشوفي نفسك بيها ، عشان انا صادقة معاكي الى اقصى درجة
وبوريكي نفسك زي ما هي ، مش بتحايل ، ولا أوارب، ولا ألف وأدور ، عشان بحبك وبفهمك وأقدر
كل حاجة بتعمليها . طب بالدمة كل اللي اعتبرتيهم مرايتك عاملوكي زيي وكانوا صادقين معاكي زيي؟
أنا : انا بحبك عشان انتي بتوريني نفسي زي ما هي ، ولوا برده يوقولا مجنونة ومغرورة كنت حبيتك انتي .
لكن انتي جماد ، ما بتتحركيش ، مش بتضميني ، ولا بحس بحرارة يدك ، ولا بتسمعيني الكلمة اللي تهز
شعوري ، ولا حتمتعيني لو طلبت منك تحلقي معايا بعيد. انتي انا ، يعني مش حينفع .
انتي كل اللي بتعمليه انك بتفكريني بنفسي ، وتحاسبيني على اللي بعمله ، تحاولي ترجعيني لما ابعد بعيد
تخلليني اراجع حساباتي كل مدة ، واحاسب نفسي انا عملت ايه ، وتصرفت ازاي ، بختصار تحاولي دايما
ترجعيني للواقع ، للأرض .
المرآة: وماله لما ترجعي لي كل مدة ونتحاور ؟ انتي مش بترتاحي لما تكلميني ؟ مش بتعيدي النظر بأمور
كتيرة عملتيها ؟ وتحاسبي نفسك عليها وتقوميها ؟ اسمعيني انتي شكلك متضايقة من كلامي معاكي؟
انا : لا لا . انتي عارفة اني مش بقدر استغنى عن رجوعي اليكي كل مدة. انا بحاجة للكلام معاكي ، والحاجة
دي تمللي بتقوى وتزيد ، عشان انا اصاب بخيبات امل كبيرة بالواقع وبالحياة ، وانتي اصبحتي ضرورة
ماسة بحياتي ، ومش بقدر استغنى عنك ابدا. انتي بتساعديني كتير على تخطي امور كتيرة .
المرآة : طب بحيث كدى انا حاقول لك . أنتي قلبك طيب كتير ، والطيبة دي لازم ما تخليش اللي حواليكي
يستغلوك من خلالها ، ومش معنى كدى اني بطلب منك تكوني خبيثة لا ، لكن الحنكة والحكمة مطلوبين .
انا : الموضوع دى كبير والنقاش فيه حياخد من وقتي الكتير . وانا عاوزة آخد وقتي للكلام فيه . عشان كدى
نخللي الكلام في الموضوع دى لوقت تاني . اوك . بحبك يا مرايتي . بحببببببببببببببببببببببك.
المرآة : وانا بحبك كمان . ويا ريتك تعرفي غلاوتي عندي اد ايه ، وخوفي عليكي اد ايه كمان. خدي بالك من
نفسك . لا اله الا الله .
السبت ديسمبر 01, 2007 5:36 am