أعمل أيه؟
قدامى قلب كبير حيران
وقلب مليان بالحرمان
وقلب عاشرته سنين وسنين
وقلب جانى بشوق وحنين
قلب خدنى لدنيا تانيه
دنيا تتوه العاشقين
وتهت وتاهت أفكارى
لحب فى قلبى وبدارى
لا عارفه ازاى اوصفه
ولا عن اشواقى ابعده
أعمل أيه ؟
سألت كتير من البشر عن الحب وأوصافه؟
قالولى ده مركب ضاع منه مجدافه
مركب حيران فى بحره والموج دايما بياخده
وطيار الموج دايما عالى وانا عى الشط بغنى موالى
تعالى هنا وأهدى وبالحكمه تختارى
احتار العقل منى والفكر فيه مجننى
مليت بيه الفؤاد وسكنته العين والننى
أعمل أيه ؟
يا ناس قولولى أزاى ابعده عنى
واخلى العقل يهدى ويفكر فيه بتأنى ؟
دايما الحيره مره ما بين جوه وبين بره
ودى اول مره قلبى يدق وسألنى
خلونى ابوح ليكم بكلمة وافهمونى دى مش لعبه
الدنيا مهما دارت الحب فيها نعمه
والنعمه بين اديه لكن دى كتيره عليه
وانا نفسى اعيش مره من غير قسوه ودموع فى عنيه
انا عايشه ليه وبيه عايزنى اعمل ايه؟
فى حب بين اديه
الخميس نوفمبر 15, 2007 3:15 pm
